Матур ғаилә - ил күрке

Оҙаҡ йылдар татыулыҡта-хөрмәттә, иңгә-иң терәп, ҡулға-ҡул тотоношоп йәшәгән парҙар ҙа байтаҡ Сәлих ауылында. Шуларҙың береһе - Ғәфирә Сәйфулла ҡыҙы менән Өпөлхаҡ Абдулхаҡ улы Сәлиховтар. Уларҙың бергә йәшәүенә 62 йыл, дүрт балаға ғүмер биреп, уҡытып, күҙле-башлы итеп, лайыҡлы шәхестәр итеп тәрбиәләнеләр. Өпөлхаҡ олатай ғүмер буйы Исем совхозында бригадир, идарасы булып эшләгән. Ғәфирә инәй Исем совхозының“Серп и Молот” бүлексәһендә сусҡа ҡараусы булған. Ауылда иң күп гәзит-журнал алдырғандарҙың береһе улар. “Йәшлек”, “Мораҙым”, “Башҡортостан ҡыҙы”,”Ағиҙел”, “Шоңҡар”, “Ваҡыт!Урал!”, “Бәрәкәт” гәзит-журналдарынан бер ҡасан да өҙөлмәйҙәр.