Һалдат ҡайтты

Күгәрсен ауылында йәшәүсе Әлисә һәм Хәмзә Маннановтар ғаиләһендә ошо көндәрҙә оло байрам: улдары Азат тыуған ил алдындағы изге бурысын үтәп, ниһайәт, тыуған йортҡа аяҡ баҫты.

Ата-әсә өсөн балаһын иҫән-һау күреүҙән дә ҙурыраҡ ҡыуаныс бармы һуң... Күгәрсен ауылында йәшәүсе Әлисә һәм Хәмзә Маннановтар ғаиләһендә ошо көндәрҙә оло байрам: улдары Азат тыуған ил алдындағы изге бурысын үтәп, ниһайәт, тыуған йортҡа аяҡ баҫты.

Йәш һалдатты гәзит уҡыусыларыбыҙ ҙа яҡшы белә: Күгәрсен урта мәктәбен алтын миҙалға тамамлаған егеттең уҡыу йылдарындағы уңыштары хаҡында баҫмабыҙҙа әленән-әле яҙылып торҙо. Яҡшы уҡыуҙан тыш, Мораҡ балалар сәнғәт мәктәбенә йөрөп үҙ һәләттәрен камиллаштырырға ла ваҡыт тапҡан, баянда оҫта уйнаған, йырға маһир булған Азат төрлө мәҙәни сараларҙа йыш ҡатнашты. “Күгәрсен һандуғасы - 2014” район йыр конкурсында 1-се урынға лайыҡ булды, башҡа бәйгеләрҙә лә призлы урындар алды.

Йәш яҡташыбыҙ армияға Өфө дәүләт нефть техник дәүләт университетының Стәрлетамаҡ филиалын, Өфө дәүләт авиация техник университеты магистратураһын тамамлағандан һуң китә, башта Воронеж ҡалаһында күнекмәләр үтә, аҙаҡ Анапа ҡалаһында – “Эра” хәрби инновацион технополисында хеҙмәт итә.

- Ике улыбыҙ ҙа ил алдындағы изге бурысын үтәне, улар менән ғорурланабыҙ. Азат улыбыҙ диндә, хеҙмәт иткән урынында намаҙҙарын уҡыу өсөн бар мөмкинлектәр ҙә булған. Ашханала ла хәләл ризыҡтар менән туҡланыу яйы табылған. Һалдаттарға ҡарата яҡшы мөнәсәбәт булыуы беҙҙе бигерәк тә ҡыуандырҙы, - ти Әлисә апай.

Өлгөр яҡташыбыҙ әрмелә лә һынатмай, үҙен тик яҡшы яҡтан ғына күрһәтә, спорт һәм мәҙәни сараларҙан ситтә ҡалмай, маҡтау грамоталарына лайыҡ була. Әйткәндәй, улдары хеҙмәт иткән частан Әлисә Ишбирҙе ҡыҙы менән Хәмзә Шакир улына Рәхмәт хаты килә.

Унда “Һеҙҙең улығыҙ Азат хеҙмәт итеү осоронда үҙенең хеҙмәт һөйөүсәнлеге, хеҙмәткә яуаплы ҡарашы, намыҫлылығы, иптәштәренә ярҙамсыллығы, бөтә белемен һәм тәжрибәһен хәрби хеҙмәтендә ҡуллана белеүе менән башҡаларҙан айырылып торҙо. Улығыҙға лайыҡлы тәрбиә биргәнегеҙ өсөн Һеҙгә ҙур рәхмәт белдерәбеҙ” тигән юлдар бар.

Читайте нас:

© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.

Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.

Илгә - именлек, йортоңа - ҡот!

Телефон

8 (34789) 2-19-24

Электрон почта

[email protected]

Адресы

Республика Башкортостан, Кугарчинский район, с.Мраково, ул.Ленина, 49

Реклама хеҙмәте

8 (34789) 2-11-85; Электронная почта: [email protected]

Хеҙмәттәшлек

8 (34789) 2-11-85; Электронная почта: [email protected]

Кадрҙар бүлеге

8 (34789) 2-11-77