Халыҡтар берҙәмлеге көнөн билдәләү айҡанлы ағымдағы йылдың ноябре өсөн пенсия һәм социаль түләүҙәрҙе таратыу ваҡытынан алда – 1 ноябрҙә башлана. Байрам һәм ял көндәрендә килтереүҙең конкрет датаһы октябрь пенсияһы поручениеларында күрһәтелгәйне. 5 ноябрҙән пенсия таратыу ғәҙәти график буйынса башҡарыласаҡ. Кредит ойошмаларына аҡсалар килешеүҙә күрһәтелгән ваҡытта, 2019 йылдың 12 ноябренән күсереләсәк. Ноябрҙә дөйөм түләүҙәр суммаһы 18 млрд һум тәшкил итәсәк һәм тулы күләмдә финансланасаҡ.