Декада 20 октябргә тиклем оҙайтылды!

Рәсәй Почтаһы ташламалы хаҡ менән ваҡытлы матбуғатҡа яҙылыу буйынса декаданы 20 октябргәсә оҙайтты. 2020 йылдың тәүге ярты йыллығына яратҡан баҫмаларына яҙылып өлгөрмәгәндәр йәнә бер аҙна эсендә был эште атҡарып ҡуя ала. “Мораҙым” һәм “Кугарчинские вести” гәзиттәренә хаҡтар түбәндәгесә: почта аша яҙылғанда – 934,02 һум, льготаға эйә булыусыларға – 856,32 һум, корпоратив юл менән яҙылыусыларға (редакция аша, Мораҡ ауылы, Ленин урамы, 49 адресы буйынса) – 545,40 һум. Шулай уҡ яратҡан гәзит-журналдарҙың электрон һәм баҫма төрөнә өйҙән сыҡмайынса https://rbsmi.ru һәм https://podpiska.pochta.ru сайттарында яҙылырға була. 23 октябрҙә иртәнге 11-ҙә Күгәрсен мәғлүмәт үҙәге “Декада ваҡытында яҙыл – бүләк от!” тип аталған акция уҙғара. Гәзит уҡыусыларҙы әүҙемерәк булырға, гәзиткә яҙылып, квитанцияһын беҙгә ебәрергә саҡырабыҙ.Күгәрсен мәғлүмәт үҙәге.