Бөтә яңылыҡтар

Республикала талпан энцефалитын иҫкәртеү мәсьәләләре буйынса ҡыҙыу элемтә эшләй

1-15 майҙа Роспотребнадзорҙың Башҡортостан буйынса идаралығы талпан энцефалитын иҫкәртеү мәсьәләләре буйынса ҡыҙыу элемтә ойоштора.

ӨФӨ, 2018 йыл, 3 май. /«Башинформ» мәғлүмәт агентлығы, Әлфиә Әғлиуллина/.
1-15 майҙа Роспотребнадзорҙың Башҡортостан буйынса идаралығы талпан энцефалитын иҫкәртеү мәсьәләләре буйынса ҡыҙыу элемтә ойоштора. Белгестәргә 8-800-700-90-30 телефоны буйынса иртәнге сәғәт 10-дан көндөҙгө 4-кә тиклем шылтыратырға мөмкин.
Роспотребнадзор хеҙмәткәрҙәре иң йыш яңғыраған һорауҙарға яуап бирә: Талпан вирус энцефалиты менән нисек зарарланырға мөмкин? Талпан ҡаҙалған осраҡта нимә эшләргә? Уны нисек алырға? Талпанды тикшергәндә талпан энцефалиты вирусы асыҡланһа, ҡайҙа мөрәжәғәт итергә? Шулай уҡ күрһәтелгән телефон буйынса лабораторияларҙың эш графигын һәм талпандарҙан һаҡланыу саралары буйынса тәҡдимдәр алырға мөмкин.
Талпандар ҡайҙа йәшәй, урманға барғанда кейемдең төҫө әһәмиәткә эйәме, ҡаҙалған талпанға май һөртөргә мөмкинме — ошо хаҡта «Башинформ» мәғлүмәт агентлығының махсус проектында уҡығыҙ.