Һалымды теләгән бер сит ил картаһы менән түләргә була

Рәсәй Федераль һалым хеҙмәте “Һалымдарҙы сит ил банкы картаһы менән түләү” сервисын асты. Сит илдә даими йәшәһә һәм эшләһә, Рәсәй банкы картаһы булмаһа, һалым түләүсе уның ярҙамында һалым түләй ала. Сервис инглиз һәм рус телдәрендә, ҡулланыусыларҙың барлыҡ категорияларына ла иҫәпләнгән. Сервис автоматлаштырылған, милек һалымдарын берҙәм түләү менән башҡарырға йәки түләү ҡағыҙы булғанда индексты индерергә мөмкинлек бирә. Бынан тыш, электрон хеҙмәттәр менән тәьмин итеүсе сит илдекеләр түләү ҡағыҙындағы кәрәкле реквизиттарҙы күрһәтеп, НДС-ты, шулай уҡ башҡа һалымдарҙы, йыйымдарҙы һәм пошлиналарҙы тап ошо сервис ярҙамында түләй ала.