“Икенсе икмәк” йыйыу башланды

“Тәүәкән” йәмғиәте баҫыуҙарында картуф ҡаҙыу башланды. Әлеге мәлдә 25 гектар майҙанда “икенсе икмәк”тең уҙған йыл Һамар өлкәһенән алып ҡайтылған “Родриго” сортлыһы ҡаҙыла. Иң тәүгеләрҙән булып үҙенең Голландияла сығарылған “ЛБР” комбайнлы “Джон Дир” тракторында тәжрибәле механизатор Ринат Ташбулатов (һүрәттә) эшкә тотондо. Уға ағалы-ҡустылы Абдулхай һәм Хөсәйен Булатовтар ярҙам итә, Алик Хәкимов иһә “ЗИЛ-554” машинаһында йәшелсә һаҡлағысҡа ташып тора. Бында эш тамамланғас, күрше баҫыуҙа 32 гектар майҙан биләгән “Гала” сортлы картуфты ҡаҙыу башланасаҡ.