Ҡунаҡ ашы-ҡара ҡаршы

Бикбулаттар бөгөн Хәйбулла районы Әбүбәкир ауылы ҡунаҡтарын ҡабул итте. Алыҫ араларҙы яҡын итеп килгән көнәркәштәре менән һүҙҙәре лә береккән, маҡсаттары ла бер. Ауыл осонда йыр-моң менән ҡаршы алып, мәктәп, балалар баҡсаһы, мәсет, китапхана эшмәкәрлеге менән таныштырҙылар, клубта ауыл һәүәҫкәрҙәре әҙерләгән концерт ҡаранылар. Түңәрәк өҫтәл артында эшлекле һөйләшеүҙә мөһим мәсьәләләр күтәрелде.