Уның китапханасы һөнәрен һайлауына атаһының бер туған һеңлеһе – оҙаҡ йылдар Юлдыбай ауылында китапханасы булып эшләгән Тәхиә апаһының йоғонтоһо ла ҙур була.
Бейеүсе бейей-бейей оҫтарғандай, Миңзәлә Миңлеғәлим ҡыҙы ошо йылдар эсендә бай тәжрибә туплай. Бынан бер нисә йыл элек ул “Башҡортостан Республикаһының иң яҡшы китапханаһы” республика конкурсында ҡатнашып, “Мәктәп китапханаһы – уҡыусыларҙа мәғлүмәт культураһын формалаштырыу үҙәге” номинацияһында еңеп сыға һәм Мәғариф министрлығының Маҡтау грамотаһына лайыҡ була.
Уның хаҡындағы тулыраҡ мәҡәлә гәзитебеҙҙең уҙған һанында донъя күрҙе.