+13 °С
Облачно
Новости
1 Декабря 2016, 02:22
Мәскәүгә, Кремль шыршыһына!
Яҡшы уҡыһаң, тырыш, әүҙем булһаң, Мәскәүҙе китап һүрәттәре аша ғына түгел, ысынбарлыҡта ла күрергә була
Илдең баш ҡалаһында үтәсәк Яңы йыл шыршыһына Башҡортостандан 114 уҡыусы бара. 25 декабрҙә балалар махсус рейс менән Мәскәүгә юллана, 27-дә иһә Өфөгә ҡайта. Быйыл төп Яңы йыл тамашаһы 26 декабргә билдәләнгән.
Ғәҙәттәгесә, делегация “Измайлово” ҡунаҡхана комплексына урынлаштырыла. Программа бик бай: 25 декабрҙә уҡыусылар “Кескәй йөрәк тураһында баллада” тигән музыкаль тамаша ҡарай, 26-да Кремль шыршыһы була, кискеһен улар яҡтылыҡ тамашаһында ҡатнаша.
Беҙҙең райондан Кремль шыршыһына бер генә уҡыусы – Мораҡ 1-се урта мәктәбенең 6-сы класы уҡыусыһы Лилиана Хәлитова (һүрәттә) барасаҡ.
