Бергә булдыҡ, бергә ҡалайыҡ, дуҫтар!

Икенсе бүләгебеҙ – кофеварка шулай уҡ Мәҡсүт ауылында ғүмер кисергән Арида Илешева өлөшөнә насип булды.

 Арида Ғәлиәкбәр ҡыҙы тыумышы менән Күгәрсен ауылынан. Ул заманында урындағы ашханала ашнаҡсы булған, “Октябрь” совхозының һөт-тауар фермаһында быҙау ҡараған, һыйыр һауған. Әлеге көндә хаҡлы ялда. Тормош иптәше Рәшит ағай ҙа матур хеҙмәт йылы үткән, төҙөлөштә эшләгән, тракторсы булған, ул бынан бер нисә йыл элек мәрхүм булған.

 Илешевтар өс бала үҫтергән, Арида апай бөгөнгө көндә 4 ейәнсәргә ҡәрсәй-өләсәй. Уға тәғәйен бүләкте ейәнсәре Лилиә килеп алды.