Һай, афарин

“Ҡош юлы”  15 йыллығын билдәләне  2012 йылда барлыҡҡа килгән  бард фестивале -  башҡорт йәштәрен – автор- башҡарыусыларҙы, йәш шағирҙарҙы, ижади йәштәрҙе һәм гитара — донъя менән һөйләшеү ысулы булған кешеләрҙе берләштергән үҙенсәлекле ҡорға әйләнде. Йылдан-йыл яңы исемдәр, яңы йондоҙҙар асҡан был фестивалгә нигеҙ һалыусы – шағир һәм публицист, эшҡыуар Азамат Юлдашбаев. 2017 йылда “Тамыр” телеканалы менән берлектә “Ҡош юл. Балалар” конкурсы барлыҡҡа килде. “Ал елкән” йәйге ял лагерында үткән быйылғы сарала “Мораҙым” лагерында ял иткән өс бала: Зәйнәб Биишева исемендәге Мораҡ төп дөйөм белем биреү мәктәбе уҡыусылары Гөлнәзирә Ғафарова ( Зәйнәб Биишева исемендәге Мораҡ балалар сәнғәт мәктәбенең думбыра класында шөғөлләнә), Мәҙинә Сәйфетдинова һәм М. Рәхимов исемендәге Мораҡ башҡорт гимназияһының 5-се класс уҡыусыһы Самира Садиҡова ҡатнашты.