Августа һауа торошо нисек буласаҡ?

Өфө һәм республика халҡын ысын һауа торошо «тирбәлеүҙәре» көтә: июлдәге эҫе көндәрҙән һуң төбәкте аномаль ямғырлы көслө циклондар ҡаплай.

Июль эҫелеге: +32°сҡ тиклем һәм яуым-төшөмһөҙ

 «Фобос» үҙәге мәғлүмәттәре буйынса, Башҡортостанда һауа торошо тотороҡло антициклон фазаһына күсә.

Бөгөндән башлап һауа әүҙем йылына башлай.

Эҫелектең иң юғары нөктәһе 22 июлдән 28-нә тиклемге осорға тура киләсәк. Көндөҙ термометр бағанаһы +28...+32°С билдәһенә етәсәк, ә төндә +18...+23°С  йылы буласаҡ.

Осадков в эту неделю практически не прогнозируется, так что у жителей будет время насладиться полноценным пляжным отдыхом.

Был аҙнала яуым-төшөм фаразланмай тиерлек, шуға күрә халыҡ рәхәтләнеп һыу инә аласаҡ.

Август: аномаль ямғырҙар һәм ҡапыл һыуытыу

Йәйҙең төп сюрпризы августҡа әҙерләнгән. Был айҙа көслө эҫелек булмаясаҡ. Көндөҙгө уртаса температура( +15...+19°с)  климат нормаһына әйләнеп ҡайта, әммә яуым-төшөм буйынса хәл норманан күпкә юғарыраҡ.

Августың беренсе декадаһы һалҡынса була, тип фаразлай синоптиктар. 1 августан оҙайлы ямғырҙар башлана, улар кәмендә 10-на тиклем дауам итә.

Көндөҙгө температура +13° - +15°Сҡа тиклем төшә, ә төндә һауа +5 ° с+10 ° Сҡа тиклем һыуыта ала (республиканың көньяғында яуым-төшөм айырыуса күп була), тиҙәр улар.

10 августан һуң ҡыҫҡа ваҡытҡа +24°С +28 ° Сҡа тиклем йылы әйләнеп ҡайтыуы ихтимал, әммә метеорологтар иҫкәртә: ямғырлы һауа торошо ай аҙағына тиклем һаҡланыуы ихтимал.

Шулай итеп, Башҡортостанда йәшәүселәргә йәйҙең ике фазаһына әҙерләнергә кәрәк: башта — ҡояштан һаҡланыу һәм баҡсаларҙы һуғарыу, һуңынан — һыу үткәрмәҫ аяҡ кейеме һәм йылы әйберҙәр (хатта август айында ла).

Көндәлек яңыртыуҙарҙы күҙәтегеҙ, сөнки төбәктә оҙайлы һауа торошона төҙәтмәләр индерелеүе ихтимал!