+14 °С
Облачно
ЙӘМҒИӘТ
11 Июня , 06:44
«Өйҙә газ булмаған»
Башҡортостанда янғында өс бәләкәй баланың һәләк булыуының ентекле шарттары билдәле булды
10 июндә Салауат районының Яңы Ҡаратауыл ауылында торлаҡ өй (6×6 м) тоҡанған. Янғын һүндерелгән, әммә өй ҡалдыҡтарын һүткәндә өс бәлиғ булмаған баланың — 6, 8 һәм 11 йәшлек — кәүҙәләре табылған.
Ваҡиға урынына Ғәҙәттән тыш хәлдәр министрлығының БР буйынса Баш идаралығы начальнигы барған, тикшереүселәр, эксперттар, тәфтиш органдары һәм психологтар эшләй.
Салауат районы башлығы Марс Ҡашапов UTV-ға хәбәр итеүенсә, балаларҙы әсәләре бер үҙе тәрбиәләгән. Бөгөн ул, өс балаһын бер үҙҙәрен ҡалдырып, эш буйынса Малаяҙға киткән булған.
«Аталары улар менән йәшәмәне. Өс балаһын бер үҙҙәрен ҡалдырған, быға тиклем дә шулай иткәне булған, йәштәре быға мөмкинлек биргән. Хәҙер ҡатын менән медиктар эшләй, янғындың шарттары һәм сәбәптәре асыҡлана. <...> Өйҙә газ да, электр уты ла булмаған, ғаилә көрсөклө (имен булмаған) ғаиләләр иҫәбендә тормаған», — тип һөйләне UTV-ға Марс Ҡашапов.
