+14 °С
Болотло
ЙӘМҒИӘТ
3 Май , 06:09
Шифалы аш
Яҙ ете үләндән аш бешереп ашаһаң, йыл буйына ауырымаҫһың, - тиҙәр халыҡта.
Шифалы балтырған ашы бешерәйек әле, дуҫтар!
1-2 услам балтырған, 3-4 картуф, 4 йомортҡа, 1 стакан он,
1 баш һуған, тоҙ, ҡаймаҡ, йәшел һуған, әнис кәрәк була.
Кәстрүлгә һыу ҡойоп, ҡайнатырға ҡуябыҙ. Ул арала картуф әрсеп турайбыҙ ҙа ҡайнап сыҡҡан һыуға һалабыҙ. Балтырғанды йыуып һарҡытабыҙ ҙа турайбыҙ. Үләндең өҫтөнә 3 йомортҡа һытабыҙ һәм яҡшылап бутайбыҙ. Картуф бешер алдынан ғына балтырғанды төшөрәбеҙ, һәйбәтләп болғатабыҙ. Он иләп, 1 йомортҡа һытабыҙ ҙа ыумас ыуабыҙ. Уны ашҡа аҙ-аҙлап ҡына һалабыҙ, туҡтауһыҙ болғатып торабыҙ. Бер баш һуғанды әрсеп, ваҡ ҡына итеп турайбыҙ.
