ЙӘМҒИӘТ
23 Апреля , 05:59

Гөбәҙиә

Ярты ҡап маргаринды он менән ыуып, 1 аш ҡалағы ҡуйы магазин ҡаймағын һалабыҙ. Саҡ ҡына сода ҡушабыҙ.  1 йомортҡа, 1 аш ҡалағы шәкәр, тоҙ, ярты стакандан әҙерәк әсегән һөт, бер ус тирәһе үҫемлек майы, он ҡушып, йомшаҡ ҡына ҡамыр баҫабыҙ.

Ҡамырҙы икегә бүләбеҙ ҙә йәйәбеҙ. Өҫтөнә башта 2 аш ҡалағы ирегән аҡ май, аҙаҡ бешкән дөгөнө йоҡа итеп йәйеп һалабыҙ. Дөгө өҫтөнә ҡыҙыл эремсек. Шәкәр һибәбеҙ. Йәнә дөгө, йәнә май һалабыҙ. Бүрттергән йөҙөм йәйәбеҙ. Өҫтөнә бешкән, иҙелгән йомортҡа йәйелә.

 Гөбәҙиәнең өҫтөн ябабыҙ ҙа матур итеп ситен бөрөп ҡуябыҙ. Май менән ондо иҙеп, шуны һибергә була. Өҫтөн ипләп кенә тишәбеҙ. Уртаса ҡыҙыулыҡтағы духовкала 1 сәғәт тирәһе бешерәбеҙ. 

Автор:
Читайте нас