-24 °С
Болотло
Бөтә яңылыҡтар
ЙӘМҒИӘТ
9 Март , 15:24
Ҡәҙер төнө
Был төндә киләһе йылда нимәләр буласағы һәм һәр кешенең бер йыллыҡ бәхете, ризығы, ғүмере тәҡдир ҡылына. Кем Ҡәҙер төнөн ихласлыҡ менән ғибәҙәттә үткәрә, шуның үткән һәм киләсәкке гонаһтары ғәфү ителер.
Ҡәҙер төнө тураһында. Рамаҙан айының һәм бөтә йылдың иң бөйөк төнө
Был төндә Ҡөрьән китабы Аллаһ Тәғәлә янындағы Һаҡлаулы таҡтанан беҙҙең күктәрҙәге "Бөйөклөк йортона" төшөрөлә (аҙаҡ Мөхәммәт пәйғәмбәргә ﷺ егерме өс йыл дауамында өлөшләп иңдерелеп торор өсөн).
Был төндә Аллаһтың мәрхәмәте һәм бәрәкәте менән иҫәпһеҙ-хисапһыҙ фәрештәләр ергә төшә. "Был төндә ерҙәге фәрештәләрҙең һаны ваҡ ҡом-таштар һанына ҡарағанда ла күберәк буласаҡ", – тигән Пәйғәмбәребеҙ ﷺ.
✅ Был төндә киләһе йылда нимәләр буласағы һәм һәр кешенең бер йыллыҡ бәхете, ризығы, ғүмере тәҡдир ҡылына. Кем Ҡәҙер төнөн ихласлыҡ менән ғибәҙәттә үткәрә, шуның үткән һәм киләсәкке гонаһтары ғәфү ителер.
✅ Был төн бер үҙе мең айға ҡарағанда хәйерлерәк. Йәғни, ошо төндә уҡылған, әйтәйек, ике рәкәғәтлек намаҙ мең ай – 83 йыл – буйы уҡылған ике рәкәғәтлек намаҙҙарға ҡарағанда сауаплыраҡ буласаҡ, ин шәә Аллаһ.
✅ Был төндө һәр ихлас мосолман үҙ күңеле менән һиҙер. Кемдәрҙер, бәлки, төшөндә уға ишара күрер. Бүтән ваҡытта булмағанса йән тыныслығы, бәхет, иман тойғолары кисерер. Ғибәҙәттәрҙә быға тиклем булмағанса ләззәт табыр.
✅ Был төн – именлек һәм һиллек төнө. Ел дә – әгәр булһа – талғын ғына иҫер, күк йөҙө лә яҡты, асыҡ булыр. Һауа ныҡ эҫе лә, ныҡ һалҡын да булмаҫ. Ул төндөң иртәгеһенә ҡояш офоҡтан ап-аҡ, түп-түңәрәк булып, ай кеүек нурһыҙ-ниһеҙ килеп сығыр.
✅ Кем ошо төндө тап итә, "Аллаһүммә, иннәкә ғәфүүн, түхиббүл-ғәфүә, фәғфү ғәнни", – тип доға ҡылһын. Мәғәнәһе: "Йә Аллаһ, Һин – Ғәфү итеүсе, ғәфү итергә яратаһың, мине ғәфү итсе!" Әлбиттә, бүтән дөрөҫ доғалар ҙа ҡылырға була.
✅ Ҡәҙер төнө Рамаҙан айының һуңғы ун төндәренең береһенә тура килә. Тап ҡасан булыры кешелек өсөн сер. Йыл һайын төрлө төндәргә тура килергә лә мөмкин. Бигерәк тә таҡ төндәрҙә: 21-се, 23-сө, 25-се, 27-се һәм 29-сы төндәрҙә – эҙләгеҙ.
Раббыбыҙ беҙгә ошо бөйөк изге төндө тап итергә, уның бәрәкәтенә һәм сауабына ирешергә насип итһен, әмин! Йылына бер тапҡыр ғына килә торған ҙур ниғмәт, оло мөмкинселекте ҡулдан ысҡындырмайыҡ, ҡәрҙәштәр! Рамаҙан айының һуңғы ун төнө ихлас ғибәҙәттәрҙә, Аллаһҡа яҡынайыуҙа үтһен. "Кем ошо төндән мәхрүм, шул ысынлап та мәхрүм", – тигән Аллаһ рәсүле ﷺ. Тормош ығы-зығыһына әүрәп, нәфсебеҙҙең ялҡаулығына, вайымһыҙлығына бирелеп, ысын мәхрүмдәрҙән булып ҡалмайыҡ!
Был төндә Ҡөрьән китабы Аллаһ Тәғәлә янындағы Һаҡлаулы таҡтанан беҙҙең күктәрҙәге "Бөйөклөк йортона" төшөрөлә (аҙаҡ Мөхәммәт пәйғәмбәргә ﷺ егерме өс йыл дауамында өлөшләп иңдерелеп торор өсөн). Был төндә Аллаһтың мәрхәмәте һәм бәрәкәте менән иҫәпһеҙ-хисапһыҙ фәрештәләр ергә төшә. "Был төндә ерҙәге фәрештәләрҙең һаны ваҡ ҡом-таштар һанына ҡарағанда ла күберәк буласаҡ", – тигән Пәйғәмбәребеҙ ﷺ.✅ Был төндә киләһе йылда нимәләр буласағы һәм һәр кешенең бер йыллыҡ бәхете, ризығы, ғүмере тәҡдир ҡылына. Кем Ҡәҙер төнөн ихласлыҡ менән ғибәҙәттә үткәрә, шуның үткән һәм киләсәкке гонаһтары ғәфү ителер.
✅ Был төн бер үҙе мең айға ҡарағанда хәйерлерәк. Йәғни, ошо төндә уҡылған, әйтәйек, ике рәкәғәтлек намаҙ мең ай – 83 йыл – буйы уҡылған ике рәкәғәтлек намаҙҙарға ҡарағанда сауаплыраҡ буласаҡ, ин шәә Аллаһ.
✅ Был төндө һәр ихлас мосолман үҙ күңеле менән һиҙер. Кемдәрҙер, бәлки, төшөндә уға ишара күрер. Бүтән ваҡытта булмағанса йән тыныслығы, бәхет, иман тойғолары кисерер. Ғибәҙәттәрҙә быға тиклем булмағанса ләззәт табыр.
✅ Был төн – именлек һәм һиллек төнө. Ел дә – әгәр булһа – талғын ғына иҫер, күк йөҙө лә яҡты, асыҡ булыр. Һауа ныҡ эҫе лә, ныҡ һалҡын да булмаҫ. Ул төндөң иртәгеһенә ҡояш офоҡтан ап-аҡ, түп-түңәрәк булып, ай кеүек нурһыҙ-ниһеҙ килеп сығыр.
✅ Кем ошо төндө тап итә, "Аллаһүммә, иннәкә ғәфүүн, түхиббүл-ғәфүә, фәғфү ғәнни", – тип доға ҡылһын. Мәғәнәһе: "Йә Аллаһ, Һин – Ғәфү итеүсе, ғәфү итергә яратаһың, мине ғәфү итсе!" Әлбиттә, бүтән дөрөҫ доғалар ҙа ҡылырға була.
✅ Ҡәҙер төнө Рамаҙан айының һуңғы ун төндәренең береһенә тура килә. Тап ҡасан булыры кешелек өсөн сер. Йыл һайын төрлө төндәргә тура килергә лә мөмкин. Бигерәк тә таҡ төндәрҙә: 21-се, 23-сө, 25-се, 27-се һәм 29-сы төндәрҙә – эҙләгеҙ.
Раббыбыҙ беҙгә ошо бөйөк изге төндө тап итергә, уның бәрәкәтенә һәм сауабына ирешергә насип итһен, әмин! Йылына бер тапҡыр ғына килә торған ҙур ниғмәт, оло мөмкинселекте ҡулдан ысҡындырмайыҡ, ҡәрҙәштәр! Рамаҙан айының һуңғы ун төнө ихлас ғибәҙәттәрҙә, Аллаһҡа яҡынайыуҙа үтһен. "Кем ошо төндән мәхрүм, шул ысынлап та мәхрүм", – тигән Аллаһ рәсүле ﷺ. Тормош ығы-зығыһына әүрәп, нәфсебеҙҙең ялҡаулығына, вайымһыҙлығына бирелеп, ысын мәхрүмдәрҙән булып ҡалмайыҡ!
Новости партнеров