Мутлашыусыларҙан һаҡ булығыҙ

Пенсионер ҡатын телефон мутлашыусылары менән аралашҡандан һуң ике миллион һумын юғалта. Ҡатынға тәүҙә элекке хеҙмәттәше исеменән хәбәр килгән. Унда, йәнәһе, уның менән хоҡуҡ һаҡлау органдары хеҙмәткәре бәйләнешкә инәсәк, ул уға шикле банк күсереүҙәре менән бәйле һорауҙар бирәсәк, тип әйтелә. Бер аҙҙан  ФСБ хеҙмәткәре тип таныштырған ир шылтырата.  Ул, аҡсаны сит ойошма ихтыяждарына күсерергә маташыу өсөн уға енәйәт яуаплылығы янай, тип белдерә. Ҡурҡҡан ҡатын аҡсаһын юғалта.