+28 °С
Болотло
ЙӘМҒИӘТ
16 Декабрь 2025, 07:24
Ҡышҡы һынамыштар
Һағындырып ҡына етте ҡыш. Ҡара көҙҙән арып та бөткәйнек. Балалар рәхәтләнеп сана шыуа, сәкән һуға, халыҡ Яңы йыл байрамын көтә! Тәбиғәткә, миҙгелгә бәйле халыҡ һынамыштарына ҡолаҡ һалайыҡ. Мәҫәлән, аҡъюлайҙың ун алтынсы көнөндә балыҡсылар табыш менән ҡайтһа, ҡыш йылы килер, тигәндәр. Ә ун етенсе көнөндә ағас ботаҡтарында ҡар ятһа, киреһенсә, ҡыш һыуыҡ була.
Ҡышҡы һынамыштар
Йондоҙҙар һирәк булһа, ҡыш буранлы булыр.
Ҡыш ағас йыш бәҫләнһә, йәй бал да, иген дә уңыр.
Ҡар ваҡ һәм һирәк яуһа, һалҡын һауа оҙаҡ һаҡланыр.
Ҡыш ҡыҙылтүш һайраһа – ҡарға, буранға.
Ҡыш көнө шәре ҡалҡһа, ашлыҡ уңыр.
Ай ҡолаҡлы булһа, һыуыҡ булыр.
Күктәге йондоҙҙар асыҡ күренһә – көн яҡшырыр, тоноҡ күренһә - ҡар яуыр.
Ҡояш тирәһендә нурҙар юғары сағылһа – буран, түбән сағылһа – һалҡын булыр.
Ҡыш көнө бәҫ күп булһа, емеш-еләк уңыр, бал күп булыр.
Ҡыш ҡар күп яуһа, йәй ямғырлы килер.
