+24 °С
Ямғыр
ЙӘМҒИӘТ
12 Декабрь 2025, 06:27
Армияға китә егеттәр, тыуған ерҙе, илде һаҡларға
18 йәшлек егеттәре булған ғаиләләрҙә яҙ-көҙ күңелле лә, моңһоу ҙа мәшәҡәттәр барлыҡҡа килә: егеттәрҙе арме хеҙмәтенә оҙатыу. Буласаҡ һалдаттарға ғына түгел, балаларын хәрби хеҙмәткә саҡырып повестка килеүен көтөүсе атай-әсәйҙәр өсөн дә тулҡынландырғыс көндәр был. Әлегә ҡәҙәр яныңда булған сабыйыңды сит, таныш булмаған ерҙәргә, бер белмәгән кешеләр янына оҙатыу күңелдәрҙе телгеләй. Бер йылға ғына булһа ла... Егет булып етешһәләр ҙә, атай-әсәй өсөн һаман бала шул улар. Ошо көндәрҙә Күгәрсен ауылы үҙенең шәп егеттәре - Маннанов Иҙел Илшат улы менән Фәйрушин Иршат Ғәли улын армия сафтарына оҙатты, уларға намыҫ менән хеҙмәт итеп, иҫән-һау хеҙмәт итеп ҡайтырға насип булһын.
Армияға китә егеттәр, тыуған ерҙе, илде һаҡларға
Беҙҙең ауыл егеттәре быға тиклем дә намыҫ менән хеҙмәт иттеләр, ата-әсәләренең йөҙҙәренә ҡыҙыллыҡ килтермәнеләр. Улар хеҙмәт иткән ерҙәрҙән бары тик маҡтау хаттары, маҡтап яҙылған характеристикалар ғына килеп тора.
Атай-әсәйҙәрен һөйөндөрөп армия сафтарында намыҫ менән хеҙмәт иткән егеттәребеҙ - Моратов Илдар Илшат улы, Вәлитов Илгиз Файыҡ улы иҫән-имен тыуған нигеҙҙәренә әйләнеп ҡайттылар.
Әле армияла булған ауылыбыҙ егеттәре Хәлитов Усман Марат улы, Маннанов Динар Вадим улына күп сәләмдәребеҙҙе юллайбыҙ. Уларҙың һәр береһенә һау- сәләмәт хеҙмәттәрен тултырып ҡайтырға яҙһын.
