+28 °С
Болотло
ЙӘМҒИӘТ
11 Декабрь 2025, 10:55
Бүләктәр һеҙҙе көтә!
“Мораҙым” һәм “Кугарчинские вести” гәзиттәренә яҙылып, квитанцияларын беҙгә ебәргән гәзит уҡыусылар араһында уҙған шаршамбы сираттағы бүләк уйнатыу сараһы үтте. Әйтергә кәрәк, был юлы беҙ гәзитебеҙҙең күптәнге дуҫы, даими бағыусыбыҙ Рафиҡ Ноғоманов алып килгән автомобиль йыйылмаһы менән электр газ плитәләрен уйнаттыҡ.
Бүләктәр һеҙҙе көтә!
Унда “Мораҙым” гәзитен алдырыусыларҙың 180 квитанцияһы ҡатнашты.
Шулай итеп, “Мораҙым” гәзитен алдырыусылар араһында автомобиль йыйылмаһын Бикбулаттан Зәйтүнә Сафина отто. Ә электр газ плитәһе Яңауылдан Ришат Ғәлимовҡа насип булды. Бүләк отоусыларҙы ысын күңелдән ҡотлайбыҙ һәм редакцияла – Мораҡ ауылы, Ленин урамы, 49 адресы буйынса көтөп ҡалабыҙ.
Ә кемдәргә был юлы бәхет йылмаймаған, бер ҙә төшөнкөлөккә бирелмәгеҙ. Киләһе бүләк отош сараһы 17 декабрҙә үтә, һеҙҙе яңы бүләктәр, ә Яңы йыл алдынан үтәсәк сарала ТЕЛЕВИЗОР, термопот һәм башҡа шәп приздар көтә! “Районка”ға ярты йыллыҡҡа яҙылып, тулы исем-фамилияғыҙ, адресығыҙ күрһәтелгән квитанция күсермәһен редакцияға – Мораҡ ауылы, Ленин урамы, 49 адресы буйынса хат аша ебәрергә, алып килергә йәки 8-937-836-9553 телефонына фотоға төшөрөп ебәрергә мөмкин.
