Халыҡ уға ҙур өмөттәр бағлай

Был аҙнала яҡташыбыҙ, БР Дәүләт Думаһы депутаты Рәил Әбдрәхимов эш сәфәре менән районға килде һәм Халыҡты берҙәм хеҙмәтләндереү үҙәгендә граждандарҙы шәхси һорауҙар буйынса ҡабул итте.

 Билдәләнгән сәғәткә ҡабул итеү ойошторолған бүлмә алдына тиҫтәләп кеше йыйылды.

Рәил Рамазан улы ҡабул итеүгә килгәндәрҙең һәр береһен иғтибар менән тыңланы, артабан асыҡлана торғандарын яҙып алды, кәңәштәрен бирҙе. Район Советы секретары Руслан Әхмәров менән Мораҡ ауыл биләмәһе башлығы Денис Айытҡоловтың ҡабул итеүҙә ҡатнашыуы ҡайһы бер мәсьәләләргә урында асыҡлыҡ индерергә булышлыҡ итте.