+22 °С
Ямғыр
ЙӘМҒИӘТ
16 Сентябрь 2025, 05:35
Мораҙым тарлауығына 16 сит илдең йәш геологтары килде
Мораҙым тарлауығына Рәсәйҙең 16 төбәгенән, донъяның 16 иленән 300-гә яҡын йәш геолог килде. Бында улар нимә өйрәнде – был хаҡта тулыраҡ.
Мораҙым тарлауығына 16 сит илдең йәш геологтары килде
2025 йылдың 7 сентябрендә Башҡортостан Республикаһында Өсөнсө «ГеоВызов» халыҡ - ара геология чемпионаты старт алды. Был сара - Рәсәйҙең 16 төбәгенән, донъяның 16 иленән 300-гә яҡын йәш геологты берләштергән ҙур ваҡиға. Чемпионат Роснедр һәм Башҡортостан Республикаһы Хөкүмәте эгидаһы аҫтында үткәрелә, Рәсәй Геология йәмәғәт ойошмаһы (РОСГЕО) сараны ойоштороусы булып сығыш яһай.
Мораҙым тарлауығына килеүсе йәш геологтар – студенттар, йәш ғалимдарҙы районыбыҙҙың мәҙәниәт эшсәндәре, һәүәҫкәрҙәр, бейеүсе балалар, спорт тармағы хеҙмәткәрҙәре ҡаршы алды. Ҡунаҡтар улар менән бергә башҡорт бейеү көйҙәренә рәхәтләнеп бейене, уҡтан атты, Күгәрсен районының һоҡланғыс тәбиғәте менән танышты, “саңғыла” уҙышты, арҡан тартышты. Аҙаҡ иһә улар зубрҙарҙы ҡараны һәм тауға менде.
Мораҙым тарлауығына 16 сит илдең йәш геологтары килде
