+28 °С
Болотло
ЙӘМҒИӘТ
19 Август 2025, 09:10
Ишбирҙиндар үҙ зат-ырыуын барланы
Түләбайҙа тәүге Шәжәрә байрамы 2010 йылда уҙғарылды. Ул саҡта ауылыбыҙҙың данлыҡлы ғаиләләре - Айытҡужиндар, Ғайсиндар, Мәхмүтовтар матур тирмәләр ҡороп, бай күргәҙмәләр ойоштороп, ҡунаҡтарҙы ҡаршы алды. Һәр бер тирмә үҙенең шәжәрәһе менән таныштырып, матур йолалар күрһәтте. Ә быйыл Ишбирҙиндар Түләбай ауылының йәмле быуаһы буйына изге байрамға йыйылды - йыраҡ араларҙы яҡынайтып, төрлө тарафтарҙан йыйылып, Шәжәрә байрамы ойошторҙо.
Ишбирҙиндар үҙ зат-ырыуын барланы
ХХ быуатта ауылыбыҙҙа йәшәгән Рәхилә Вәлетдин ҡыҙы һәм Сәфәрғәле Атаулла улы Ишбирҙиндарҙың балалары, ейән-ейәнсәрҙәре (улдары Зәки, Шәкир, Рәшит һәм ҡыҙҙары Рәшиҙә) үҙҙәренең тарихи тамырҙарын иҫкә алды, нәҫелен барланы.
- Был байрамды ойоштороу минең күптәнге хыялым ине. Ошо йыйынға йыйылып, үҙебеҙҙең туғандарҙы осраштырғаным өсөн бик шатмын, сөнки бала-сағалар бер-береһе менән танышты, осрашты. Улар киләсәктә лә туғанлыҡ ептәрен юғалтмаһын, бер-береһен белһендәр, аралашып йәшәһендәр тигән теләктә ҡалам, - тине Түләбай ауылында йәшәүсе Гөлсөм Рәшит ҡыҙы Сәлихова үҙенең изге уйҙары менән уртаҡлашып.
Альбина АЙҘАРБӘКОВА.
