+5 °С
Болотло
Бөтә яңылыҡтар
ЙӘМҒИӘТ
17 Июль 2025, 16:09
Ҡышҡылыҡҡа корейса ҡыярҙар
Ҡыярҙы тоҙлап арып киттегеҙме, корейса ҡыяр эшләп ҡарағыҙ. Ҡыш көнө бәрәңгегә, иткә ҡушып ашарға бик тәмле ҡабымлыҡ. Ҡыяр - 2 кг, кишер - 500 гр, шәкәр - 0,5 стакан, тоҙ - 50 гр, көнбағыш майы - 0,5 стакан, уксус - 0,5 стакан, корейса кишер өсөн тәмләткес (приправа для корейской моркови) - 1 ҡап, һарымһаҡ - 1 аш ҡалағы (пресс аша үткәрелгән).
Әҙерләү:
Кишерҙе йыуабыҙ һәм терка аша үткәрәбеҙ.
Ҡыярҙарҙы ла йыуабыҙ һәм түңәрәкләп йәки оҙонсалап ҡырҡабыҙ ҙа, кишер эргәһенә һалабыҙ. Шәкәр менән тоҙ өҫтәйбеҙ,тәмләткес (приправа) һәм һарымһаҡты өҫтәренә һалып, 4 сәғәт ултыртып торабыҙ.
Ошо ваҡыт үткәс, әҙер массаны стерилләнгән банкаларға һалабыҙ һәм уларҙы ҙур кәстрүлгә ултыртып, стерилләйбеҙ (0,5 л банканы - 10 минут). Банкаларҙы ҡапҡас менән ябып, баҙға ҡуябыҙ.
Новости партнеров