+28 °С
Болотло
ЙӘМҒИӘТ
25 Июнь 2025, 11:35
Ейәне олатаһы менән өләсәһенең ғүмерен ҡыйған
Июнь башынан 76 йәшлек ир һәм уның 64 йәшлек ҡатыны туғандарының телефон шылтыратыуҙарына яуап бирмәгән. 7-се көндө уларҙың туғаны Мәсәғүт ауылында йәшәгән пенсионерҙарҙың хәлен белешергә килгән. Ләкин уға бер кем дә ишек асмаған. Урынға полиция хеҙмәткәрҙәрен саҡырғандар.
Ҡыҙғанысҡа ҡаршы, пенсионерҙарҙы бысаҡ менән сәнсеп үлтерелгән килеш тапҡандар. Ирҙең автомобиле лә юғалған.
Ҡот осҡос енәйәттә уларҙың 20 йәшлек ейәне ғәйепләнә. Ике аҙнанан һуң егетте Пермь өлкәһендә тотҡандар. Ғәйепләнеүсе енәйәт ҡылыуын таныған. Уға ҡарата "Үлтереү" статьяһы буйынса енәйәт эше ҡуҙғатылған.
