+28 °С
Болотло
ЙӘМҒИӘТ
23 Май 2025, 06:30
Үксәләрегеҙ ярылып аптыратһа
Йәй көндәре үксәләр ярылып аптырата. Түбәндәге рецепттарҙы ҡулланып ҡарағыҙ:
*Йоҡлар алдынан календула майын “һыу мунсаһында” йылытып алғандан һуң, марляны шуға манып, ярылған үксәгә һөртөгөҙ. Яралар төҙәлгәнгә ҡәҙәр дауам итегеҙ.
*Ун төймә аспиринды порошок хәленә килгәнсе төйөгөҙ. Өҫтөнә ярты стакан спирт һәм бер шешә йод алығыҙ. Ҡатнашманы яҡшылап болғатып, ҡараңғы урынға ҡуйығыҙ. Йоҡлар алдынан үксәгә һылағыҙ.
*Бер йомортҡа һарыһына бер аш ҡалағы үҫемлек майы һәм бер сәй ҡалағы аш һеркәһе һалығыҙ. Уны ҡулланыр алдынан аяҡтарығыҙҙы 10-15 минутҡа йылы һыуға тығып тороғоҙ. Унан ҡатнашманы үксәләрегеҙгә һылағыҙ, полиэтилен пакет һәм йылы ойоҡбаш кейегеҙ.
