+28 °С
Болотло
ЙӘМҒИӘТ
1 Март 2025, 14:37
"Еңеү" фестивале дауам итә
Яңыраҡ Бөйөк Еңеүҙең 80 йыллығы, республикала махсус хәрби операцияла ҡатнашыусыларға һәм уларҙың ғаиләләренә ярҙам күрһәтеү, Рәсәйҙә Ватан һаҡсылары йылына бағышланған " Еңеү"фестиваль- марофоны Мораҡ һәм Ибрай ауыл биләмәләре араһында уҙҙы. Яңы Николаевка ауылында үткән күркәм сара урындағы батырҙар стелаһына сәскә һалыуҙан башланды.
"Еңеү" фестивале дауам итә
Яңы Николаевка ауылы мәҙәниәт йорто фойеһында ҡуйылған күргәҙмәләр шанлы 40-сыларҙы иҫкә төшөрҙө, Мораҡ һәм Ибрай ауыл советтарына ҡараған ауылдарҙан әлеге ваҡытта махсус хәрби операцияла ҡатнашыусыларҙың батырлығын яҡтыртты.
Мораҡ ауыл биләмәһе тәкдим иткән концерт программаһында Бөйөк Ватан һуғышы осоро йырҙарына өҫтөнлөк бирелде. Яңы Николаевка ауылы таланттарының ялҡынлы сығыштары бигерәк тә күңелдәргә хуш килде.
Кисәлә Мораҡ ауыл биләмәһе башлығы Денис Айытҡолов ҡыҫҡа ваҡытлы ялға ҡайтҡан яңы заман батырҙарын Рәхмәт хаты һәм бүләктәр менән билдәләп үтте. Илебеҙ өсөн шәһит киткәндәрҙең ата- әсәләренә, бөгөн алғы һыҙыҡта булған яугирҙарҙың әсә- аталарына хөрмәт күрһәтергә онотманы.
Штандарт ҡабул иткән Ибрай ауыл биләмәһе таланттары ла " Еңеү"фестиваленә матур әҙерлек менән килгән. Әнисә Байдәүләтова башҡарыуында " Өсмөйөшлө хаттар" Һәм башҡа патриотик йөкмәткеле йырҙар үҙәктәрҙе өҙҙө.
Яңы Николаевка ауылы тамашасылары ихласлығы, ябайлығы менән күңелде арбаны.
