Гөрләп торҙо Тәүәкән!

Бында спорт ярыштары - “Ҡыпсаҡ батыры” - милли көрәш, “Мәргән уҡсы” һәм “Бәйге” уйындары ла уҙҙы. Был сараларҙа беҙҙекеләр генә түгел, күрше-тирә район һәм ҡалаларҙан килгән спортсылар ҙа ҡатнашты.
Тәүәкән ауылындағы “Урал” спорт - һауыҡтырыу комплексы, бассейн күптәрҙе көнләштерерлек! – тине ситтән килгән спортсылар.
Ысынлап та шулай... Был ауылда эшләр өсөн эш тә, мәҙәни тормош алып барыу, спорт менән шөғөлләнеү өсөн шарттар ҙа етәрлек.
Иң мөһиме – халыҡ тағы ла яҡшыраҡ тормошҡа, муллыҡҡа ынтыла, рухи байлыҡ хаҡында ла онотмай, спортты ла үҙ итә. Бөгөн уҙған саралар хаҡында гәзитебеҙҙең киләһе һанында уҡырһығыҙ.