Бөгөн милләттәштәребеҙ ил ағаһының тыуған ауылына йыйылды

 Ултырышта Күгәрсен муниципаль районының Хакимиәт башлығы Марат Сәлим улы Искужин һәм уның урынбаҫарҙары, республика парламентының Аграр мәсьәләләр, экология һәм тәбиғәтте файҙаланыу буйынса комитет рәйесенең беренсе урынбаҫары, Башҡортостан Республикаһының Дәүләт Йыйылышы - Ҡоролтай депутаты, беҙҙең хөрмәтле яҡташыбыҙ Рәил Рамаҙан улы Әбдрәхимов, Башҡортостан Республикаһының Дәүләт Йыйылышы - Ҡоролтай депутаты Фәнит Насип улы Моратбаҡыев,

Рәсәй Федерацияһының һәм Башҡортостан Республикаһының атҡаҙанған табибы, Рәсәй Федерацияһының  һаулыҡ һаҡлау отличнигы, медицина фәндәре докторы, профессор, Рәсәй Федерацияһының 5-се һәм  6-сы  саҡырылыш Дәүләт Думаһы депутаты, йәмәғәт ойошмаларының  халыҡ-ара берлеге Бөтә Донъя  Башҡорттары Ҡоролтайы вәкиле, хөрмәтле яҡташыбыҙ Сәлиә Шәрифйән ҡыҙы  Мырҙабаева,

Ҡыпсаҡ  ырыуы башлығы, тарихсы-ғалим, тарих фәндәре кандидаты,  Рәсәй Фәндәр академияһы Өфө федераль тикшеренеү үҙәгенең Тарих, тел һәм әҙәбиәт институтының Көнсығыш ҡулъяҙмалары бүлеге мөдире Әхәт Ғөбәй улы Сәлихов, Күгәрсен районы башҡортары  Ҡоролтайы башҡарма комитетының  йәмәғәт ойошмаһы  рәйесе Рөстәм Миниғәле улы Сәйетбатталов, шулай уҡ район башҡорттары ҡоролтайының  башҡарма комитеты ағзалары, ауыл биләмәләре башлыҡтары, ағинәйҙәр ойошмаһы ағзалары, мәҙәниәт эшмәкәрҙәре, райондың киң мәғлүмәт саралары вәкилдәре, мәктәп уҡытыусылары һәм  илем, телем  тип янған  милләттәштәребеҙ, яҡташтарыбыҙ ҡатнашты.

 Йыйында Бөтә донъя ьашҡорттары ҡоролтайының VI съезы йомғаҡтары һәм маҡсаттары хаҡында фекер алышынды, киләсәккә маҡсаттар билдәләнде.

 Илем-телем тип янғандар, халыҡ йолаларын тергеҙеүгә, телебеҙҙе үҫтереүгә өлөш индергән бер төркөм милләттәшебеҙ рәхмәт хаттары менән билдәләнде.

 Ҡоролтай ултырышы хаҡындағы гәзитебеҙҙең киләһе һанында уҡырһығыҙ.