Сара алдынан халыҡ күргәҙмәләр менән танышты. Мораҡ 1-се урта мәктәбе, үҙәк район китапханаһы, З.Биишева исемендәге Мораҡ балалар сәнғәт мәктәбе, М.Рәхимов исемендәге Мораҡ башҡорт гимназияһы, Күгәрсен тарих-тыуған яҡты өйрәнеү музейы, район мәҙәниәт һарайы ҡуйған күргәҙмәләр ҙә һәр кемдең иғтибарын үҙенә йәлеп итте.
Район хакимиәте башлығының социаль мәсьәләләр буйынса урынбаҫары Илнур Сәйфуллин махсус хәрби операция барышында хеҙмәт һәм гражданлыҡ бурысын фиҙаҡәр үтәгәне өсөн алты яугирға – Заречье, Ишбирҙе, Мораҡ, Урал һәм Яңы Петровка ауыл биләмәһе ир-егеттәренә район хакимиәте башлығының рәхмәт хаттарын тапшырҙы.
Хеҙмәт ветерандары Фирүзә Баймырҙа ҡыҙы Бикбаева, Клара Фәрит ҡыҙы Ярышева, Гөлгөнә Ғибаҙуллы ҡыҙы Йосопалиева һәм берҙәм дежур-диспетчер хеҙмәте диспетчеры Нәфисә Марс ҡыҙы Ваһапованың хеҙмәттәре район хакимиәте башлығының рәхмәт хаттары менән билдәләнде.
Ҙур концерт илһөйәрлек рухы менән һуғарылды.
Был сара хаҡындағы мәҡәләне гәзитебеҙҙең киләһе һанында уҡығыҙ.