Хөрмәт һеҙгә, рәхмәт һеҙгә!

Байрам сараһында үҙҙәренең фиҙаҡәр хеҙмәте менән район үҫешенә тос өлөш индереүселәр Башҡортостан Республикаһының Һаулыҡ һаҡлау, Эшҡыуарлыҡ һәм туризм, Мәҙәниәт, Торлаҡ-коммуналь хужалыҡ министрлыҡтарының, БР Дәүләт Йыйылышы-Ҡоролтайҙың, Күгәрсен районы хакимиәтенең маҡтау грамоталарына һәм рәхмәт хаттарына лайыҡ булды.  Күп балалы әсәләргә лә хөрмәт күрһәтелде, Мораҡ ауылынан Әлфиә Әкрәм ҡыҙы Садиҡова “Әсәлек даны” миҙалына лайыҡ булды. Махсус хәрби операция зонаһында үҙ бурысын оло намыҫ менән үтәгән яҡташтарыбыҙ ҙа иғтибарҙан ситтә ҡалманы. Максим Гарсков менән Азат Ҡотлогилдинға рәхмәт хаттары тапшырылды.  Күгәрсен һәм Ейәнсура райондары буйынса хәрби комиссар Ришат Әминев беҙҙең тыныслыҡ һәм именлек өсөн яуҙа үҙ ғүмерҙәрен ҡорбан иткән батыр йөрәкле ил һаҡсылары – Рәмил Биктимеров, Әнүәр Ҡотлогилдин, Айнур Фәйзуллиндың Батырлыҡ ордендарын, шулай уҡ Айнур Фәйзуллин, Ринат Ғөбәйҙуллин менән Азат Түләгәновтың Шайморатов ордендарын ата-әсәләренә һәм ҡатындарына тапшырҙы.          

Хөрмәт һеҙгә, рәхмәт һеҙгә!