МӘТРҮШКӘ БАШ АУЫРТЫУҘАН, ЙОҠОҺОҘЛОҠТАН ФАЙҘАЛЫ

Мәтрүшкә үҙәк нерв системаһын тынысландыра, тир, аш эшкәртеү һәм бронхаларҙағы биҙҙәр секрецияһын шаҡтай арттыра, эсәклектең тулкын һымаҡ ҡыҫҡарыуын яҡшырта.
 Тынысландыра торған сара булараҡ, мәтрүшкә гипертониянан, нервтар ярһыуынан, баш ауыртҡанда, йоҡоһоҙлоҡтан ҡотолорға булыша.

 Уны былай ҡулланыу яҡшы: 1 стакан ҡайнар һыуҙа 15 г самаһы ҡоро үләнде төнәтеп, көнгә 3-4 тапҡыр 1/3 стакан эсергә. Бронхиттан, һулыш ағзалары ауыртыуҙан көнгә 3 мәртәбә яртышар стакан ҡулланырға кәңәш ителә. Киҫкен бронхит булғанда, мәтрүшкә йүтәлде баҫа, коклюштан файҙалы.

Был үлән төнәтмәһен йөклө ҡатындарға эсергә ярамай.