+22 °С
Ямғыр
ЙӘМҒИӘТ
19 Август 2024, 11:41
Яман шеш менән ауырырғанда ошо үләндәрҙе ҡулланығыҙ
АШ СӨГӨЛДӨРӨ. Аш сөгөлдөрөнән һығылған һут ауырыуҙың хәлен яҡшыртырға ярҙам итә. Сөгөлдөр сосотавында булған махсус матдәләр рак күҙәнәктәре үҫешен тотҡарлай. Көнөнә бер нисә тапҡыр 1-әр бал ҡалағы эсергә.
ДИҢГЕҘ КӘБЕҪТӘҺЕ
Был диңгеҙ кәбеҫтәһе рак ауырыуҙарын дауалауҙа өҫтәмә ысул булараҡ кәңәш ителә. Операция, нур һәм химия менән комплекслы дауаланыуҙан һуң ауыр осраҡтарҙа ҡулланыла.
ИВАН-СӘЙ
3 аш ҡалағы киптерелгән сәйгә 0,5 литр ҡайнап торған һыу һалырға. Термоста бер сәғәт самаһы төнәтергә. Көнөнә 3 тапҡыр яртышар стакан эсергә.
ҠАРА ӘРЕМ (ЧЕРНОБЫЛЬНИК).
Сәскә атҡан ваҡытта йыйылған 2 аш ҡалағы үләнгә ярты литр ҡайнап торған һыу һалып, термоста бер сәғәт самаһы төнәтергә. Ашарға ярты сәғәт ҡалғас, көнөнә 3 тапҡыр ярты стакан эсергә. Был төнәтмә үңәс (пищевод), ашҡаҙан, эсәк, аналыҡ һәм тура эсәк рагы булғанда ҡулланыла.
ҠАРА ӘРЕМ ТАМЫРЫ
5 аш ҡалағы ваҡлап туралған әремгә ярты литр спирт һалып, 2 аҙна төнәтергә. Ваҡыт-ваҡыт төнәтмәне һелкеткеләп алырға. 2 аҙна уҙғас, төнәтмәне һөҙөп алырға. Бер аҙ һыуға 1 бал ҡалағы төнәтмә һалып һәм 40-60 тамсы 10 процентлы прополис экстракты тамыҙып, ашарға ярты сәғәт ҡала, көнөнә 3 тапҡыр эсергә.
ПӘЙҒӘМБӘР ТЫРНАҒЫ (КАЛЕНДУЛА ЛЕКАРСТВЕННАЯ)
Сәскәләренән яһалған әҙер спиртлы төнәтмәне яман шештән көнөнә 3 тапҡыр 30-40 тамсы ҡулланырға.
ДЕГӘНӘК (ЛОПУХ БОЛЬШОЙ)
1 аш ҡалағы ваҡланған тамыр һәм 1 аш ҡалағы балға 1 стакан спирт һалырға. Ҡараңғы урында 10 көн төнәтергә. Һөҙөп алырға. 1/4 стакан ҡайнаған һыуға 1 аш ҡалағы төнәтмә һалып, ашарға ярты сәғәт ҡала 3-4 тапҡыр эсергә.
