Мораҙым
+27 °С
Болотло
Бөтә яңылыҡтар
ЙӘМҒИӘТ
11 Июнь , 16:24

Рухлылар, уңғандар, яҡты уйлылар ул өмөтбайҙар

 Шул тиклем дә исеме есеменә тап килә был йәмле төбәктең. Өмөтбай ауылын (Ибраһим) төйәк иткән уңғандар киләсәккә тик аҡ өмөттәр бағлап, бөгөнгөһөнә шөкөр итеп йәшәүҙе матур ғәҙәт итеп алған. Егәрлеләр, ҡунаҡсылдар үҙҙәре! Юлдыбай ауылы биләмәһе көнө сиктәрендә “Һаумыһығыҙ, ауылдаштар!” байрамы ла бында гөрләп үтте.

Рухлылар, уңғандар, яҡты уйлылар ул өмөтбайҙар
Рухлылар, уңғандар, яҡты уйлылар ул өмөтбайҙар

Баҫмабыҙҙың үткән һанында донъя күргән яҙмабыҙ геройҙары – “Абдулла” позывнойлы яугирыбыҙҙы ғына алайыҡ, уның өлгөһөндә генә лә Ибраһим ауылы ир-аҫылдарының рух ныҡлығын, саялығын, ә баҫҡан еренән ут сығарған Алик Абдуллин миҫалында – ағас эшенә оҫталығын, бөтмөрлөгөн асыҡ тоҫмалларға мөмкин. Күп яҡлы талант эйәһе Исмәғил Ғилманов, өмөтбайҙарҙың рухи терәк-таянысы булған мәҙәни ойоштороусы Фәниә Нарбикованың да тамырҙары ошонан. Байрам сараһының да тирә-яҡҡа хәҙер киң билдәле Әхтәм шишмәһенән башланып китеүе лә юҡҡа түгел. Ата-бабалары төбәгенә, улар бесән сабып, көтөү көткән уйһыл ергә, һыуын эсеп йән сихәте алған шишмә яҙмышына битараф ҡала алмаусы Миһран Әхтәм улы Абдуллиндың изге башланғысы нигеҙендә шишмәнең тирә-яғы төҙөкләндерелгән, серле бер тәбиғәт мөйөшөнә, ял урынына әүерелгән. Район үҙәгенән килгән ҡунаҡтарҙы ла яҡты йөҙ менән ҡаршы алып, шифалы шишмә һыуынан ауыҙ иттерҙе, артабан мул һыйлы табындарына әйҙүкләне өмөтбайҙар.

 Ауыл байрамы тураһында тулыраҡ мәғлүмәтте баҫмабыҙҙың был йома һанында уҡырға мөмкин.

 

 

Автор:Гульшат Саитбаталова
Читайте нас: