+24 °С
Ямғыр
ЙӘМҒИӘТ
3 Июнь 2024, 05:45
Фотоларҙа - ил тарихы
Мораҡ 1-се урта мәктәбенең башланғыс кластар уҡытыусыһы – Айгөл Мәхмүтованың альбомында тарихҡа теркәлерлек иҫтәлекле фотолар һаҡлана. 1983 йылда райондан бер нисә уҡыусыны (әлбиттә, уҡыу һәм спорт алдынғыларын!) пионер путёвкаһы менән Өфөгә “Салют” пионер лагерында ял итергә ебәрәләр. Улар араһында спортҡа ла, белемгә лә әүәҫ Айгөл Әнүәр ҡыҙы ла була. - “Салют”та беҙ Белоруссиянан килгән пионерҙар менән бергә ял иттек, иҫтәлеккә төшкән фото берҙәм, ҙур илебеҙ һәм һәр саҡ эшкә, тырышып уҡырға, бер-беребеҙгә ярҙам итергә әҙер торған күңелле пионер ваҡыттар хаҡында гел иҫкә төшөрөп тора, - ти хөрмәтле мәғариф эшсәне.
Фотоларҙа - ил тарихы
Мәктәптә үҙ уҡыусыларын да ул берҙәм, тырыш, белемгә ынтылышлы булырға өйрәтә, уларҙы даими Эйек буйына экологик өмәләргә алып сыға. Пионер тоҡомонан булараҡ башҡаса булдыра ла алмай. Шундай дәрт-ялҡынлы уҡытыусылары өлгөһөндә тәрбиәләнгән үҫмерҙәр ҙә киләсәктә йәмғиәтебеҙҙең ныҡлы нигеҙен булдырыр әле!
