Их, Чернобыль, йөрәк яраһы һин!

М.Рәхимов исемендәге Мораҡ башҡорт гимназияһы уҡыусылары һөйләгән Чернобыль тураһында шиғырҙар, Мораҡ мәҙәниәт һарайы артистары – Нәғим Нуриманов, Ришат Бәҙретдинов, “Ҡыҙыл мәсет” төркөмө (етәксеһе Ғәлим Кинйәбулатов), Руслан Абдуллин, Елена Киршина, Виктория Лаврикова башҡарыуында патриотик рухлы йырҙар, Ленар Сәйфетдинов менән Винер Килдийәров өҙҙөргән башҡорт халыҡ көйҙәре тантананың хөрмәтле ҡунаҡтары өсөн ҙур бүләк булды.

 Тантананың төп сәбәпселәрен район ветерандар Советы рәйесе Тамара Нилова ихлас тәбрикләп, уларға ҡоростай сәләмәтлек, рух ныҡлығы теләне.

 Матур саранан һуң чернобылсылар төшкө ашҡа рәхим итте. Улар йыл һайын үҙҙәрен район үҙәгенә саҡырып ҙурлағандары өсөн ихлас күңелдән оло рәхмәтен белдерҙе.