Картуфты сәсер алдынан өс аҙна алдан уҡ мөгәрәптән сығарып ҡуйырға кәрәк

 “Икенсе икмәк” исемен картуф юҡҡа ғына алмаған – уны сәсмәгән, үҫтермәгән, ашамаған кеше бик һирәк. Мул уңыш алыу өсөн алдан хәстәрлек күрергә кәрәк.

Картуфты ғәҙәттә апрель урталарында баҙҙан, мөгәрәптән сығаралар.

  Ултыртыу өсөн 70-100 г ауырлыҡтағы сәләмәт картуф бүлбеләрен генә һайлап алығыҙ. Ҡоротҡостар картуфҡа теймәһен өсөн 3 аҙнаға яҡтыртылған урынға һалырға мөмкин. Был ваҡыт эсендә уларҙа ағыулы соланин барлыҡҡа килә – тышы йәшел төҫкә инә.

Картуфты сәсеү ваҡыты, әлбиттә, һауа торошона ҡарай, шулай ҙа 1-10 май арауығы яҡшы тип һанала.

 Картуф һалынасаҡ һәр соҡорға 1 аш ҡалағы суперфосфат өҫтәү файҙалы - был ашлама уңышты ҡаты ҡорттан (проволочниктан) һаҡлай.