+12 °С
Ямғыр
Бөтә яңылыҡтар
ЙӘМҒИӘТ
2 Апрель , 11:09
Кеше организмына ураҙаның файҙаһы
Аллаһ Тәғәлә әҙәм балаһының һаулығына нимә файҙалы, нимә яҡшылыҡ килтерә, бары тик шуны тоторға ҡушҡан, кәңәш иткән. Хәҙерге заманда ураҙаның кеше организмы өсөн ни тиклем файҙалы, кәрәкле икәнен төрлө ғалимдар күптән иҫбатлаған.
Кеше организмына ураҙаның файҙаһы
Мәҫәлән, күҙәнәктәр биологияһын өйрәнгән Есинори Осуми исемле япон ғалимы асығыуҙың кеше организмына нисек яҡшы тәьҫир итеүен иҫбатлап, Нобель премияһына лайыҡ булған. Ас тороуҙың файҙаһы хаҡында белергә теләүселәр хәҙер интернет селтәрендә башҡа ғалимдарҙың да бихисап яҙмаһын таба ала.
Ураҙа тотҡанда күп ағзаларыбыҙ ял итә, йәшәрә, ауырыуҙарҙан ҡотола. Хатта табиптар ҙа ҡайһы бер сирлеләргә асығып дауаланырға тәҡдим итә. Сөнки фәҡәт ураҙа тотҡанда ғына күҙәнәктәр тулыһынса таҙарына, яңыра, эсәк, ашҡаҙан, мейе һәм башҡа тән өлөштәребеҙ һауыға. Ашҡаҙан тулы булғанда башҡа ҡан насар йөрөй, шуға ла кешенең йоҡоһо, ялҡауы килә, ә ураҙа ваҡытында мейе ҡан менән яҡшы тәьмин ителә.
Бер ай буйы ураҙа тотҡанда кеше организмы иҫ киткес яңырыу кисерә.
Тәүге көндәрҙә, әлбиттә, ауыр булыуы ла ихтимал. Быны тәү башлап ураҙаға ингәндәр яҡшы белә. Ҡанда холестерин, шәкәр кимәле төшөп, ауыҙҙан насар еҫ килә, баш ауырта, йоҡо килә. Ошо этапты үтеп алһаң, артабан еңеләйә төшә.
Ураҙаның икенсе аҙнаһында кеше ас тороуға күнегә, организм энергия кимәлен тире ҡатламындағы майҙы эшкәртеүҙән ала башлай. Ифтарға күберәк һыу эсеп, еңелерәк аҙыҡ-түлек ашарға кәңәш ителә, сәхәрҙә, киреһенсә, аҡһымға бай ризыҡтарға өҫтөнлөк биреү отошло.
Ун көн-ике аҙна үтеүгә еңеллек килә. Хатта артыҡ ашағы ла килмәй. Тәүге көндәрҙә өйрәнмәгәнлектән күп ашап, эске органдарға ауырлыҡ төшһә, был этапта организм үҙен көйләй. Бауыр майҙы кетон матдәләренә әйләндереп, мейегә кәрәкле энергия бирә.
Һуңғы ун көнлөгө иһә тулыһынса таҙарыныу кимәле тиһәк тә була. Йәғни, детокс. Эсәклектәр, бөйөрҙәр, тире таҙара, организм бөтә еңеллектә эшләй, хәтер яҡшыра, көс-дәрт, энергия арта, сир-сырхау китә, мәғлүмәт үҙләштереү еңел бирелә, күңелдә лә рәхәтлек тойғоһо уяна.
Һүрәт асыҡ сығанаҡтарҙан алынды.
Читайте нас:
© 2015-2024 Башҡортостан Республикаһы Күгәрсен районы "Мораҙым" ижтимағи-сәйәси гәзитенең рәсми сайты. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының "Башҡортостан Республикаһы" нәшриәт йорто дәүләт унитар предприятиеһы.
Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығында теркәлде. 2015 йылдың 12 авгусында бирелгән ПИ ТУ 02-01395-се һанлы теркәү тураһындағы таныҡлыҡ. Директор (баш мөхәррир) Ладыженко А.Ғ., "Мораҙым" гәзите мөхәррире вазифаһын башҡарыусы Р.И.Исҡужина.
Илгә - именлек, йортоңа - ҡот!
Телефон
8 (34789) 2-19-24
Электрон почта
Адресы
Республика Башкортостан, Кугарчинский район, с.Мраково, ул.Ленина, 49
Реклама хеҙмәте
8 (34789) 2-11-85; Электронная почта: [email protected]
Хеҙмәттәшлек
8 (34789) 2-11-85; Электронная почта: [email protected]
Кадрҙар бүлеге
8 (34789) 2-11-77