Йәй мартҡа ҡарап килә, тиҙәр

*1 мартта елләп торһа, бөтә йәй елле булыр.

*Март башында сәпсек эсерлек һыу булһа, йәй яҡшы килер.

*Март башында тамсы тамһа, йәй яҡшы килә.

*Мартта йылы булһа, йыл һалҡын була.

*Мартта ҡар өҫтөндәге һалам ҡарға иреп инһә, бер айҙан ҡар китер.

*Ҡайын һыуы күп аҡһа, йәй ямғырлы булыр.

*Аҡҡош иртә килһә, яҙ насар булыр, оҙаҡ торор.

*Әгәр ҙә тауыҡтар яҙ көнө төнәктән иртә төшһә – йәй насар булыр, әгәр һуң төшһәләр – йәй яҡшы булыр.

*Мартта көн менән төн тиңләшә.

*Марттың шартын апрель сығарыр.

*Яҙ иртә килһә, ашлыҡ уңыр.

*Ҡар ағасҡа йәбешеп торһа, көн епшетер.