Йәш күгәрсенлеләр форумға йыйылды

Район хакимиәтенең йәштәр эштәре, спорт һәм бәлиғ булмағандар бүлеге менән “Беренселәр хәрәкәте” Рәсәй балалар һәм йәштәр хәрәкәтенең урындағы бүлексәһе ойоторған сарала Мораҡ 1-се урта мәктәбе һәм М.Рәхимов исемендәге Мораҡ башҡорт гимназияһы уҡыусылары ҡатнашты. Йәштәр эштәре, спорт һәм бәлиғ булмағандар бүлеге начальнигы Әлиә Әбдрәхимова уҡыусыларҙы сәләмләгәндән һуң, Рәсәй Эске эштәр министрлығының Күгәрсен районы буйынса бүлегенең миграция мәсьәләләре буйынса бүлексәһе начальнигы, полиция подполковнигы Айҙар Булат улы Ҡаразбаев бер төркөм уҡыусыларыға паспорттар тапшырҙы. Беренселәр хәрәкәте”нең Күмертауҙағы бүлексәһе белгесе Ксения Козюкова уҡыусылар араһында ярыш ойошторҙо. Йәштәр эштәре, спорт һәм бәлиғ булмағандар бүлеге белгесе Алина Лысова гранттар тураһында һйләне һәм йәштәрҙе әүҙемерәк булырға саҡырҙы.