Бөгөн - Ватан Геройҙары көнө

    Ватан Геройҙары көнө алдынан Күгәрсен тарих-тыуған яҡты өйрәнеү музейында район мәктәптәре уҡыусылары өсөн тыуған яҡты өйрәнеү сәғәте үткәрелде. Унда балалар Изге Георгий Победоносец орденын булдырыу менән туранан-тура бәйле иҫтәлекле датаның барлыҡҡа килеү тарихы менән, шулай уҡ беҙҙең заман геройҙары - Афған, Чечен һуғыштары һәм махсус хәрби операция геройҙарының исемдәре менән танышты. Рәсәй Геройҙары, яҡташтарыбыҙ Юрий Климов һәм Мансур Рафиҡов тураһында фәһемле фильм ҡараны.

 Сарала Яңы Хвалын,   Мораҡ  1-се урта  мәктәптәре уҡыусылары,  Мәләүез күп профилле колледжының Мораҡ филиалының 1-се, 2-се курстарында белем алыусылар ҡатнашты.

Мораҡ 1-се урта мәктәбенең 8-се класс уҡыусыларына  махсус хәрби операцияла ҡатнашыусы - «Ман» позывнойлы яҡташыбыҙ менән аралашырға ла насип булды.