+28 °С
Болотло
ЙӘМҒИӘТ
20 Июль 2023, 05:35
Бер туғандар кеүек бит улар!
Бергә белем алған, бер һуҡмаҡтан йөрөп, баласаҡты бергә уҙғарған дуҫтар ғүмерлеккә бер туғандай булып тороп ҡала бит ул! Был гүзәл заттарҙы ла, мәктәпте тамамлауҙарына 43 йыл үтһә лә, бер-береһенә ҡарата йылы тойғолар бәйләй. Хаҡлы ялдағы апайҙар тип әйтерһең уларҙы! Ҡарағыҙ әле, ниндәй һөйкөмлө, матур улар, йөҙҙәренән нур бөркөлә, йәшлек дәрте лә ташып тора!
Бер туғандар кеүек бит улар!
Синыфташтары Рәмзиә апай Искәндәрова осрашыу үткәрәйек, тигәс, дәррәү күтәреп алған улар.
- Бер ҡараһаң, олпатланып, өлкәнәйеп киткән атай, әсәйҙәр, ҡартай – өләсәйҙәрбеҙ, бер ҡараһаң, һаман да шул сыр-сыу килеп йөрөгән, шат-шаталаҡ ҡыҙҙар - егеттәрбеҙ икән, - ти Хәлимә апай.
Әйткәндәй, иҫтәлектәр яҙылған көндәлеген дә һаҡлаған ул. Осрашыуға шуны алып барып, һәр береһенең үҙенә төбәп яҙған изге теләктәрен, уй - кисерештәрен уҡып, әхирәттәрен уйҙарҙа ғына булһа ла мәктәп йылдарына кире алып ҡайтҡан.
