+28 °С
Болотло
ЙӘМҒИӘТ
18 Июль 2023, 06:00
Был хеҙмәт эйәләренә һәйкәл ҡуйырлыҡ!
Сит илдә фремаларҙа һауынсы булып тик ир-егеттәр эшләй, тиҙәр. Ысындыр, тип уйлайбыҙ. Сөнки физик көс талап ителгән бик ауыр эш ул! Бигерәк тә уҙған быуатта ферма эше ауыр ине! Беҙҙә ир-егеттәрҙең һыйыр һауыуы үтә һирәк күренеш булды. Хеҙмәт йылдарын был эшкә бағышлаған Ахунйән Ғүмәровтың, Ғәзинур Хәйбуллиндың, “Октябрь” совхозынан Владимир Адмаевтың, “Октябрь” колхозының Воскресенск фермаһынан Марат Теләүғоловтың исемдәрен күптәр оло ихтирам менән иҫкә ала.
Был хеҙмәт эйәләренә һәйкәл ҡуйырлыҡ!
Уларҙың тәүге икәүһе оҙаҡ йылдар Күгәрсен, өсөнсөһө Мәҡсүт фермаһында эшләй. Әлеге көндә был һөнәргә Арыҫлан Ғәмиров ҡына тоғро, ул “Тәүәкән” яуаплылығы сикләнгән йәмғиәтендә эшләй һәм 60-тан ашыу һыйыр һауа.
Ғәзинур ағай Хәйбуллин Күгәрсен ауылында тыуып үҫкән.
2000 йылда Башҡортостан Республикаһы Президенты М.Ғ.Рәхимов Указы менән Ғәзинур Миңлебай уға “Башҡортостан Республикаһының атҡаҙанған ауыл хужалығы хеҙмәткәре” тигән маҡтаулы исем бирелә.
Әйткәндәй, уның ҡатыны Фәнүзә апай ҙа ире менән бергә 30 йылдан ашыу һөт-тауар фермаһында һауынсы булып эшләй.
Хәйбуллиндар бер ул һәм ике ҡыҙ үҫтергән. Хәҙер инде улар дүрт ейән һәм өс ейәнсәргә олатай-өләсәй, ҡартай-ҡәрсәй.
