+22 °С
Ямғыр
ЙӘМҒИӘТ
22 Май 2023, 09:50
Апалы – һеңлеле – сығарылыш класы уҡыусылары
Бөгөн гәзитебеҙҙең йәш авторҙарының береһе – Хоҙайбирҙин урта мәктәбенең 11-се класс уҡыусыһы Азалия Ғайсина өсөн дә һуңғы ҡыңғырау яңғыраны. Шуныһы ҡыҙыҡ: уның һеңлеһе Фиҙәлиә лә быйыл сығарылыш класы уҡыусыһы. Ул 9-сы класты тамамлай.
Апалы – һеңлеле – сығарылыш класы уҡыусылары
Азалия менән Фидәлиә Флүрә апай менән Фитрат ағай Ғайсиндарҙың ише ғаиләһендә тыуып үҫкән. Иң ҙур апалары Фәнилә менән ағалары Фәнзил күптән инде башлы-күҙле, үҙҙәре атай-әсәй.
Гөлдәниә апалары иһә мәктәп йылдарында уҡ “Мораҙым” гәзитенә әүҙем яҙышҡан авторҙарыбыҙҙың береһе булды, уның шиғырҙары һәм мәҡәләләре “районка”нан тыш, республика баҫмаларында ла донъя күрҙе.
Был ғаиләлә үҫкән яҙыу-һыҙыуға маһир Гөлдәриә лә беҙҙең гәзиткә яҙышты.
Азалия үҙе уҡыған белем усағының иң әүҙем уҡыусыларының береһе һаналып, район хакимиәте башлығы стипендиаты исеменә лайыҡ булған. Фидәлиә иһә спортты үҙ итә.
Осар ҡанаттарығыҙ ныҡ булһын, һылыу ҡыҙҙар!
