Ҡаһармандарын онотмай хоҙайбирҙиндар

Бөйөк Еңеү көнө алдынан Хоҙайбирҙин ауылында ла тантаналы митингы үтте. Бөйөк Ватан һуғышында ҡатнашып, Еңеүгә ҙур өлөш индергән яҡташ яугирҙарҙы иҫкә алып, бер минутҡа тын ҡалды, обелискыға сәскәләр һалды, хәтирәләре менән уртаҡлашты ауыл халҡы; уҡыусылар ҡартатай-олатайҙарының фотолары менән  "Үлемһеҙ полк"ка теҙелде, шиғырҙар ятланы, йырҙар йырланы. Илебеҙ күге һәр ваҡыт аяҙ, тыныс булһын!