Сүптең дә үҙ урыны бар!

Яҙ етеү менән йорт-ҡура тирәһе менән ихаталарҙы, ауыл урамдарын, йәмәғәт урындарын, эшләгән ерҙең тирә-яғын тәртипкә килтереү күптән инде яҡшы йолаға әйләнгән. Бына быйыл да ҡар ныҡлы иреп бөтмәҫ борон уҡ яҙғы өмәләр башланды. Иң тәүгеләрҙән булып Ялсы ауыл мәҙәниәт йортонда эшләүселәр тирә-йүнде йыйыштырыу эшен башлаған. “Остановкала тәмәке төпсөктәрегеҙҙе һәм башҡа ҡыйҙарығыҙҙы сүп контейнерына алып барып һалһағыҙ, был тиклем ҡый йыйылмаҫ ине!!! Зинһар, артығыҙҙан йыйыштырып китегеҙ!!! Бәләкәй балалар һеҙҙән үрнәк ала!!!” – ти улар йәштәргә мөрәжәғәт итеп. Ысынлап та, һәр кем үҙ артынан ҡый ташлап китмәһә, яҙ тирә-яҡ сүп-сар менән тулы булмаҫ ине. Йыйышитырылған урында түгел, ҡыйламаған урында таҙа була, тиҙәр.

Сүптең дә үҙ урыны бар!