Мораҙым
+18 °С
Болотло
Бөтә яңылыҡтар
ЙӘМҒИӘТ
17 Март 2023, 11:15

Уңғандарҙың ҡулы - ун

“Мораҙым” гәзите уҙғарған “Ҡәҙерле кешемә - бүләккә” конкурсының бүләге – милли биҙәүес, ниһайәт, хужаһына барып етте.  Эльвира Хөсәйенова Сәйетҡол ауылында йәшәй. Тормош иптәше Ҡасим менән үҙҙәре һымаҡ тырыш, уңған өс бала – ике ул, бер ҡыҙ үҫтерә. Ике уңған бергә тура килһә, гөрләп торор донъялар, тигәндәре дөрөҫ –Хөсәйеновтар күптәрҙе һоҡландырырлыҡ итеп донъя көтә.

Уңғандарҙың ҡулы - ун
Уңғандарҙың ҡулы - ун

 Эльвира байтаҡ йылдар инде урындағы китапханала эшләй. Кейәүгә сыҡҡансы билдәле “Гөрләүек” ансамблендә шөғөлләнгән, Сәйетҡол ауылында уҙған барлыҡ мәҙәни сараларҙы уның дәртле бейеүҙәре биҙәй. Ғаилә башлығы мәктәп автобусын йөрөтә.

Уңғандың ҡулы – ун, тигәндәй, хөкүмәт эшенән буш арала гөрләтеп донъя көтөргә лә өлгөрәләр Хөсәйеновтар. Үҙҙәренең магазины бар, күпләп мал аҫрайҙар.

Ауыл ерендә үҫкән балалар ғәҙәттә ҡул араһына бик иртә инә, бәләкәйҙән эштең рәтен, тәртибен белеп үҫә. Хөсәйеновтарҙың ҡыҙ-улдары ла өйҙә ваҡытта ата-әсәһенә ҙур ярҙам күрһәтә.

 

 

 

 

Автор:Гульназ Саитбатталова
Читайте нас: