Йәш таланттар яулай яңы үрҙәр

Зәйнәб Биишева исемендәге Мораҡ балалар сәнғәт мәктәбе коллективы һәм тәрбиәләнеүселәре әленән-әле үҙҙәренең уңыштары менән һөйөндөрөп тора. Был аҙнала “Хор менән йырлау”,  “Тынлы һәм һуҡма инструменттар”,  “Башҡорт халыҡ уйын ҡоралдары (ҡурай)” бүлектәре уҡыусылары Салауат ҡалаһының музыка колледжында уҙған “Йәш таланттар – 2023” Бөтә Рәсәй Арт-проектының зональ этабында ҡатнашҡан. Йәш ҡурайсыларҙың ҡатнашыу һөҙөмтәләре: - Ислам Байгилдин - 2-се дәрәжә лауреат;  - Юлай Псәнчин, Радмил Ғөбәйҙуллин, Иҙел Исҡужин, Камил  Илмөхәмәтов – диплом (уҡытыусылары – Юлай Ҡыҙрасов). “Хор” бүлеге уҡыусылары һөҙөмтәләре: - Аиша Йыһаншина - беренсе дәрәжә лауреат һәм Салауат музыка колледжына имтиханһыҙ уҡырға инеү өсөн сертификат;  Миләүшә Баймырҙина менән Ксения Карягина – диплом (уҡытыусылары – Башҡортостан Республикаһының атҡаҙанған мәҙәниәт хеҙмәткәре  Флорида Кәримова). “Тынлы һәм һуҡма инструменттар” бүлеге уҡыусылары һөҙөмтәләре:  - Родион Волков - 1-се дәрәжә лауреат; Нияз Байтуғанов, Элина Ғүмәрова, Арсений Усов, Дамир Йәғәфәров – диплом (уҡытыусылары – Салауат Наҙарғолов). Еңеүселәр март айында  Өфө ҡалаһында үтәсәк финалда ҡатнашасаҡ. Йәш таланттарҙы ла, уларҙың һәләтен үҫтереүгә ҙур көс һалған уҡытыусыларҙы ла ихлас ҡотлайбыҙ! Афарин!

Йәш таланттар яулай яңы үрҙәр