+28 °С
Болотло
ЙӘМҒИӘТ
15 Февраль 2023, 12:10
Айҙар Айытҡужинға – Шайморатов ордены
Бөгөн республика Башлығы Радий Хәбиров районыбыҙҙың батыр улдарының береһе - Украинала барған махсус операцияла хәрби бурысын үтәгәндә һәләк булған Түләбай ауылы егете Айҙар Айытҡужиндың ғаиләһендә булды. Радий Фәрит улы батыр егеттең ата-әсәһе Розалия Сибәғәт ҡыҙы менән Азат Әхәт улына улдарын тыуған еренең ысын патриоты һәм герой итеп тәрбиәләнгәндәре өсөн рәхмәт белдерҙе һәм генерал Шайморатов орденын тапшырҙы.
Айҙар Айытҡужинға – Шайморатов ордены
“Һәләк булған егеттәрҙең ата-әсәләрен беҙҙең кардиоүҙәккә дауаланыуға һәм реабилитацияға ебәрергә ҡарар иттек. Унда махсус программа эшләнгән, һеҙгә лә ошо мөмкинлек менән файҙаланырға һәм үҙегеҙҙең һаулығыҙҙы ҡарап алырға тәҡдим итәм. Һеҙҙең улығыҙ һәм хәрби бурысын үтәгәндә һәләк булған башҡа егеттәр һәр саҡ беҙең хәтерҙә булыр,” – тине төбәк етәксеһе.
Айҙар Айытҡужиндың ата-әсәһе Радий Хәбировҡа иғтибары һәм хәстәрлеге өсөн рәхмәт белдерҙе.
“Семен-Петровский мәктәбендә улыбыҙ иҫтәлегенә мемориаль таҡтаташ урынлаштырылды, район хакимиәте бер мөрәжәғәтебеҙҙе лә кире ҡаҡмай. Улыбыҙ тураһындағы иҫтәлек өсөн бөтәһеҙгә лә ҙур рәхмәт”, - тине ата-әсә.
